Atyraýda mektep muǵalimderin májbúrli jumysqa tartqan dırektor jazalandy
ATYRAÝ. QazAqparat – Atyraýda mektep muǵalimderin kásiptik mindetine jatpaıtyn jumysqa tartqan dırektor jazalandy, dep habarlaıdy QazAqparat.
Buǵan deıin áleýmettik jelide M.Bekmuhambetov atyndaǵy orta mekteptiń dırektory pedagogterdi kásiptik mindetimen baılanysty emes jumys túrlerine tartty degen jazba taraǵan edi. Oblystyq bilim basqarmasy baspasóz qyzmetiniń málimetine súıensek, atalǵan mekteptiń dırektoryna tártiptik shara qoldanylǵan.
«Atyraý oblysy boıynsha Іshki memlekettik aýdıt departamenti áleýmettik jelidegi aryzǵa qatysty tekseris júrgizýde. Jaǵdaı qatań baqylaýda bolady», - dedi Atyraý qalalyq bilim bóliminiń basshysy Farýza Shangereeva.
Onyń aıtýynsha, M.Bekmuhambetov atyndaǵy orta mektepte 2020 jyly kúrdeli jóndeý júrgizilgen. Alaıda, merdiger mekemege durys atqarylmaǵan jumystarǵa qatysty kepildik merzimi kezeńinde qalpyna keltirý týraly hat joldanǵan.
