Atyraýda medıtsınalyq bilimi joq adamdar koronavırýsty emdeýmen aınalysqan
ATYRAÝ. QazAqparat - Atyraý oblysynyń Bas memlekettik sanıtarlyq dárigeri Sadýaqas Baıǵabulov turǵyndardy kúmándi dárigerlerdiń qyzmetine júginbeýge shaqyrdy, dep habarlaıdy QazAqparat.
«WatsApp» messendjerinde Atyraý qalasynda qytaı medıtsınasy týraly beınerolık taratyldy.
Bul beınerolıkte dáriger antısanıtarlyq jaǵdaıda koronavırýsqa ınektsııa jasaıdy.
«Atyraý qalasynda koronovırýsty ınfektsııanyń sımptomdaryn emdeý jáne aldyn-alý máselerimen aınalysatyn klınıka anyqtaldy.
KVI (pnevmonııa) sımptomdaryn emdeý úshin fenol eritindisin qoldaný arqyly ınvazıvti emdeý ádisteri paıdalanylady.
Protsedýralardy medıtsınalyq bilimi joq adamdar júrgizgen. Klınıka sondaı-aq dástúrli emes medıtsınamen (ınemen emdeý, massaj) lıtsenzııasyz aınalysqan», - deıdi aımaqtyń bas sanıtarlyq dárigeri.
Tekserý barysynda klınıkada jaramdylyq merzimi ótken dári- dármekter men Qytaıda óndirilgen tirkelmegen dárilik preparattar tabyldy.
«Atalǵan faktiler boıynsha quqyq qorǵaý organdary tergeý sharalaryn júrgizýde», - deıdi Sadýaqas Baıǵabulov.
