Atyraýda medıtsına qyzmetkerlerine 2 mlrd teńgeden astam ústemaqy tólendi
ATYRAÝ. QazAqparat – Atyraýda koronavırýspen kúreske jumyldyrylǵan medıtsına qyzmetkerlerine 2 mlrd 145 mln teńge tólendi, dep habarlaıdy QazAqparat.
«Atyraý oblysynda 1085 medıtsına qyzmetkeri koronavırýs pen vırýsty pnevmonııa juqtyrdy. Onyń ishinde koronavırýs juqtyrǵan - 561, vırýsty pnevmonııa dıagnozymen - 524 medıtsına qyzmetkeri tirkeýge alyndy. Osy kezge edıin 79 medıtsına qyzmetkeriniń árqaısyna 2 mıllıon teńgeden ótemaqy tólendi. Qaýipti indetten qaıtys bolǵan 2 medıtsına qyzmetkeriniń otbasyna 10 mıllıon teńgeden berildi. Bul baǵyttaǵy jumys arnaıy komıssııanyń otyrystarynda jalǵasady», - deıdi oblystyq densaýlyq saqtaý basqarmasynyń basshysy Nurlybek Qabdyqaparov.
Onyń aıtýynsha, Atyraý oblysynda pandemııa saldarynan 13 medıtsına qyzmetkeri kóz jumdy. Onyń altaýy - koronavırýspen, jeteýi - vırýsty pnevmonııamen aýyrǵan.
Eske sala ketelik, buǵan deıin Atyraý oblysynda koronavırýstyń ekinshi tolqynyna daıyndyq jaıy talqylanǵan.
