Atyraýda medıtsına qyzmetkerleri marapattaldy
ATYRAÝ. QazAqparat – Atyraýda medıtsına qyzmetkerleri marapattaldy, dep habarlaıdy QazAqparat.
Oblystyq Densaýlyq saqtaý basqarmasynyń basshysy Ashan Baıdýálıevtyń málimetinshe, 6575 medıtsına qyzmetkeri jumys isteıdi. Onyń ishinde 1 479 dáriger, 5 096 orta jáne kishi býyn qyzmetkeri bar.
Medıtsına salasynyń qyzmetkerlerin kásibı merekesimen oblysy ákiminiń orynbasary Baqytgúl Hamenova quttyqtady.
«Álemdik pandemııa kezinde «qyzyl» aımaqta jumys istegen dárigerlerdiń, orta jáne kishi býyn qyzmetkerleriniń janqııarlyǵy men batyldyǵyna kýá boldyq. Aq halatty jandar myńdaǵan naýqastyń otbasymen qaıta qaýyshýyna, baqytty bolashaǵyna úmit syılady» - Baqytgúl Hamenova.
Kásibı merekege oraı 13 medıtsına qyzmetkerine oblystyq máslıhattyń, 18 medıtsına qyzmetkerine oblys ákiminiń, 12 adamǵa QR Densaýlyq saqtaý mınıstrliginiń Alǵys haty tabystaldy. Al, 13 dáriger men medbıke «Densaýlyq saqtaý salasynyń úzdigi» atandy. Sondaı-aq, 14 adam Densaýlyq saqtaý mınıstrliginiń qurmet gramotasyn ıelense, 8 «Densaýlyq saqtaý salasyn damytýǵa qosqan úlesi úshin» tósbelgisimen marapattaldy.
