Atyraýda medıtsına qyzmetkeri jasóspirimder tóbelesin jasyrǵan
ATYRAÝ. QazAqparat – Atyraýda medıtsına qyzmetkeri jasóspirimder tóbelesin polıtsııa qyzmetkerlerinen jasyrǵan, dep habarlaıdy QazAqparat.
Atyraý oblysynyń polıtseıleri 12-14 aqpanda «Jasóspirim» jedel-profılaktıkalyq is-sharasyn ótkizip, birqatar zań buzýshylyqty anyqtaǵan.
«Іs-shara kezinde 88 ákimshilik quqyqbuzýshylyq anyqtalyp, 82 ata-ata men 6 jeke tulǵa jaýapkershilikke tartyldy. Іshki ister organdaryna kámeletke tolmaǵan 79 jasóspirim ákelindi. Sondaı-aq, 2 oqýshynyń tóbelesýi saldarynan aýdandyq aýrýhanaǵa júgingeni belgili boldy. Tóbelesken oqýshylardy medıtsına qyzmetkeri qaraǵan. Biraq, densaýlyq saqtaý salasy qyzmetkeriniń ákimshilik quqyqbuzýshylyq deregin polıtsııa organdaryna ýaqytyly habarlamaǵany anyqtalyp otyr. Osyǵan oraı medıtsına qyzmetkerine qatysty QR Ákimshilik quqyqbuzýshylyq týraly Kodeksiniń 127-babynyń 1-bóligimen ákimshilik hattama toltyrylyp, sotqa joldandy» -dep habarlady departamenttiń baspasóz qyzmeti.
Sondaı-aq, ıývenaldy polıtsııa ınspektorlary 45 qolaısyz otbasy men ártúrli sanatpen esepte alynǵan kámeletke tolmaǵan 18 jasóspirimdi turǵylyqty mekenjaıy boıynsha teksergen. Turmystyq zorlyq-zombylyq derekteriniń aldyn alý maqsatynda 45 qolaısyz otbasymen profılaktıkalyq suhbat júrgizilgen.
«Bala tárbıesimen aınalyspaı, júıeli túrde alkogol ishimdigin paıdalanýshy retinde esepke alynǵannyń biri – 1982 jyly týǵan turǵyn. Aýdan turǵynynyń kámeletke tolmaǵan balalarynyń kózinshe ishimdik ishkeni anyqtalyp, oǵan qatysty QR Ákimshilik quqyqbuzýshylyq týraly kodeksiniń 127-babymen ákimshilik hattama toltyryldy. Іshki ister organdarynyń esebine kámeletke tolmaǵan 11 jasóspirim men 7 qolaısyz otbasy alyndy» -dep málim etti baspasóz qyzmetinen.
Eske sala ketelik, Atyraý oblysynda 1,5 myń ata-ana túngi ýaqytta balalary qaraýsyz júrgeni úshin jazalandy.
