Atyraýda metsenattardyń qoldaýymen velosport mektebi ashyldy
ATYRAÝ OBLYSY. QazAqparat - Atyraý oblysynyń metsenattary qaıyrymdylyq aýktsıony barysynda balalar velomektebine qajet jabdyqtar alý úshin 35 mln teńge syıǵa tartty. Joba memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda júzege asyryldy, dep habarlaıdy QazAqparat Atyraý oblysy ákimdiginiń baspasóz qyzmetine silteme jasap.
Velomektep balalar men jasóspirimder sport mektebi bazasynda qurylǵan, onda 10-16 jas aralyǵyndaǵy 80 bala velosıped tebý sheberligin meńgeredi. Aıta keteıik, bul sport túri boıynsha sektsııa Atyraýda alǵash ret ashylyp otyr.
Ataqty sportshylardyń quraldary men kollektsııalyq velosıpedter aýktsıony Bike Ride Atyrau - 2018 birinshi qaıyrymdylyq velojarysy barysynda ótti.
Jalpy Atyraý oblysynda Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý aıasynda metsenattardyń qoldaýymen 1200 oryndyq 6 balabaqsha, 2500 oryndyq 8 sport kesheni salyndy. «Retropark», «Sazanquraq», «Atameken», «Jeńis» demalys saıabaqtary da paıdalanýǵa berildi.
