Atyraýda maınıng fermalary elektr energııasynan ajyratyldy

ATYRAÝ. QazAqparat – Atyraýda maınıng fermalary elektr energııasynan ajyratyldy, dep habarlaıdy QazAqparat.

Prezıdent tapsyrmasynan keıin bul máselege qatysty tekserý bastalǵan edi. Maınıng fermalary ártúrli jolmen anyqtalady. Bastysy – energııamen jabdyqtaý jáne energııany taratý mekemeleri usynǵan esepti salystyrý.

Atyraýda eki maınıng fermasy jumys istegeni anyqtaldy.

«Atyraý oblysynda tirkelgen eki maınıng fermasy jumys isteıdi. Olar «Atyraý jylý-elektr ortalyǵy» AQ-nyń qýatyna qosylǵan. Energııa tutyný qaǵıdasyna sáıkes maınıng fermalarynyń árqaısysyna 10 megavattan aspaıtyn lımıt belgilengen. Qazir krıptovalıýtany óndirý toqtatyldy. Óıtkeni, tekserý kezinde maınıng fermalary elektr energııasynan ajyratyldy», - deıdi «Atyraý jylý-elektr ortalyǵy» AQ prezıdenti Maqsot Álenov.