Atyraýda maýsymnan beri pnevmonııadan 122 adam qaıtys bolǵan
ATYRAÝ. QazAqparat – Atyraý oblysynda maýsym aıynan beri pnevmonııadan 122 adam qaıtys bolǵan. Bul týraly oblystyq densaýlyq saqtaý basqarmasynyń basshysy Nurlybek Qabdyqaparov málim etti, dep habarlaıdy QazAqparat.
«Búginge deıin Atyraý oblysynda pnevmonııaǵa shaldyqqan 5809 adam tirkeldi, 122 adam osy dertten qaıtys boldy. Ótken jyly osy kezeńde pnevmonııadan 56 adam kóz jumǵan edi», -dedi onlaın-brıfıngte Nurlybek Qabdyqaparov.
Onyń aıtýynsha, óńirde koronavırýs ınfektsııasynan 13 adam baqılyq bolǵan. Buǵan qosa, taǵy osyndaı 30 jaǵdaıdy arnaıy komıssııa qarap jatyr. Sondaı-aq, 243 medıtsına qyzmetkeri qaýipti indetti juqtyrǵan.
Eske sala ketelik, Atyraý oblysynda karantın rejımi 3 tamyzǵa deıin sozylǵan edi.
