Atyraýda masany ýlaýǵa 130 mln teńgege jýyq qarjy bólindi
ATYRAÝ. QazAqparat – Atyraýda masany ýlaýǵa 130 mln teńgege jýyq qarjy bólindi, dep habarlaıdy QazAqparat.
Atyraý qalalyq ákimdigi baspasóz qyzmetiniń málimetinshe, bıyl shahar bıýdjetinen masaǵa qarsy dezınsektsııalyq jumysqa 129 mln 995 myń teńge bólinip otyr.
«Qańtarda masaǵa qarsy dezınsektsııalyq jumysty júrgizýge tenderlik konkýrs jarııalanǵan edi. Alaıda, qatysýshylardyń qujattaryna baılanysty konkýrs sáýir aıyna aýystyryldy. Jaqynda tender nátıjesi shyǵady. Al, mamyr aıynyń basynda dezınsektsııalyq jumys bastalady. Biraq, sáýirde qalanyń keıbir bólikterinde demeýshilik kómekpen masaǵa qarsy rotorly búrikkishpen ýlaý qolǵa alyndy», -dep habarlady ákimdiktiń baspasóz qyzmeti.
Eske sala ketelik, budan buryn Atyraýda masany ýlaýǵa 126 mln teńge bólingeni habarlaǵan edik.
