Atyraýda masa ýlaýǵa 126 mln teńge bólindi

ATYRAÝ. QazAqparat – Atyraýda masany ýlaý jumysyn júrgizýge 126 mln teńge bólindi, dep habarlaıdy QazAqparat.

AG Disinfektion services JShS dırektorynyń orynbasary Nurlybek Ahmedııarovtyń aıtýynsha, masanyń tabıǵı kóbeıý oshaǵy sanalatyn bes ýchaske bar.

Bul – Saryózektegi káriz sýy quıylatyn, Atyraý munaı óńdeý zaýyty aýmaǵyndaǵy tehnıkalyq jáne óndiristik maqsatqa paıdalanylǵan shaıyndy sý tógiletin oryn, «Aqjaıyq» memlekettik tabıǵı rezervatyna qarasty Kaspıı mańy jaǵalaý alańdary jáne qalany aınalyp ótetin «Erik-Mostovoı» kanaly.

«Bul ýchaskeler kásiporynnyń turaqty baqylaýyna alynyp otyr. Zalalsyzdandyrý sharalarymen aldymen shahardaǵy 1 130-dan astam kópqabatty úıdiń kireberisi, balalardyń oıyn alańqaılary men aıaldamalar, sondaı-aq, qala aýmaǵyndaǵy aýyldyq eldi mekender qamtyldy. Mundaı dezınsektsııalyq jumystar Týhlaıa balka, «Erik-Mostovoı, Peretasqa ýchaskelerinde júrgizildi. Sońǵy eki aıda qala mańyndaǵy eldi mekender men teńiz jaǵalaýynda 40 mln sharshy metr aýmaq dezınsektsııalandy» -deıdi Nurlybek Ahmedııarov.

Atyraý qalalyq ákimdigi baspasóz qyzmetiniń málimetinshe, bıylǵy maýsymda masaǵa qarsy kúres jumystaryna jergilikti bıýdjetten 126 mln teńge qarajat bólingen.

Merdiger mekemede masaǵa qarsy ýlaý júrgizý úshin 5 brıgada, 43 dezınfektor, 8 avtokólik pen arnaýly tehnıka-qurylǵylar tartylǵan.

Eske sala ketelik, budan buryn Atyraýda masany jańa preparatpen ýlaǵan bolatyn.