Atyraýda mas júrgizýshiniń kesirinen ákesi men qyzy zardap shekti
ATYRAÝ. QazAqparat - Atyraýda mashına rýline mas kúıinde otyrǵan júrgizýshiniń kesirinen jaıaý júrginshilerge arnalǵan jolaqtan ótip bara jatqan eki adam zardap shekti, dep habarlaıdy «QazAqparat» HAA tilshisi.
«Jol -kólik oqıǵasy Taımanov dańǵyly men Jarbosynov kóshesiniń qıylysynda boldy. Rýlinde 46 jastaǵy Atyraý turǵyny bolǵan KIA Sportage markaly avtomobıl júrgizýshisi jaıaý júrginshilerdiń ótýin kútip turǵan Nissan Primera mashınasyn soqqan.
Qatty soqqynyń saldarynan Nissan Primera ornynan alǵa jyljyp ketip, Atyraý turǵyny men onyń 15 jastaǵy qyzyn qaqqan.
Dárigerlerdiń qaraýynan keıin ákesi úıine qaıtaryldy, al jaraqattanǵan qyz aýrýhanaǵa jatqyzyldy.
Saraptama apatqa kináli júrgizýshiniń mas jaǵdaıda bolǵandyǵyn kórsetti. Sot aldy tergeý júrip jatyr»,-dep habarlady aımaq ІІD baspasóz hatshysy Nazymgúl Qaısaǵalıeva.
