Atyraýda mas júrgizýshi otbasy otyrǵan kólikpen dúkenge soǵyldy
ATYRAÝ. QazAqparat - Atyraýda otbasy otyrǵan kólikti mas kúıinde júrgizgen júrgizýshi apatqa ushyrady, dep habarlaıdy QazAqparat tilshisi.
«Oqıǵa 29 naýryz kúni túnde bolǵan. «Toyota Hilux» shaǵyn avtobýsynyń júrgizýshisi. 1986 jyly týǵan azamat, Azattyq dańǵylymen Balyqshy yqshamaýdanyna qaraı jol tartypty. Azattyq dańǵyly men Áýezov kóshesiniń qıylysynda mıkroavtobýs «Nissan Maxima» avtokóligimen soqtyǵysyp, bar ekpinimen jol jıeginde turǵan kókónis dúkenine kirip ketken. Júrgizýshiniń mas ekeni anyqtaldy», - dedi Atyraý oblystyq polıtsııa departamentiniń baspasóz qyzmeti.
Kólik ishinde júrgizýshiniń áıeli men 2012 jáne 2015 jyly týǵan eki balasy bolǵan. Tórteýi de aýrýhanaǵa jetkizilgen.
Aıta ketsek, atalǵan kólik apatynyń vıdeosy áleýmettik jelilerge tarap ketken.
