Atyraýda mas júrgizýshi kóligimen elektr baǵanasyna soǵyldy
ATYRAÝ. QazAqparat – Atyraýda jyl basynan beri kólik rýline mas kúıde otyrǵan 30-dan júrgizýshi anyqtaldy. Sondaı júrgizýshiniń biri kóligimen elektr baǵanasyna soǵyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, jol-kólik oqıǵasy 20 tamyzda saǵat 03:20 shamasynda bolǵan.
«Atyraý qalasynyń Z.Qabdolov kóshesiniń boıynda ornalasqan munaı óńdeý zaýytynyń tusynda «Vaz-2170» avtokóligi elektr baǵanasyna soǵyldy. Kólikti basqarǵan 1981 jyly týǵan júrgizýshiden ishimdiktiń ıisi baıqalǵan. Medıtsınalyq saraptamanyń qorytyndysymen júrgizýshiniń orta dárejedegi mas kúıde ekeni belgili boldy. Qazir elektr jelisine keltirilgen shyǵyn kólemi anyqtalýda» -deıdi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Eske sala ketelik, budan buryn Atyraýda bir aptada 13 mas júrgizýshi ustalǵanyn jazǵan edik.
