Atyraýda mas júrgizýshi qoqys tasıtyn kólikpen turǵyn úıdiń qorshaýyna soǵyldy
Oqıǵa keshe, 1 qarashada Atyraý qalasynda bolǵan. Qoqys tasıtyn kóliktiń turǵyn úıdiń qorshaýyna soǵylǵan sáti kameraǵa túsip qalǵan.
Bul derekti oblystyq polıtsııa departamentiniń baspasóz qyzmeti rastady.
«Jergilikti ýaqytpen saǵat 16:00 shamasynda qala aýmaǵynan qoqystardy shyǵarýǵa jaýapty mekemege qarasty «KamAZ» avtokóligi «Atyraý» móltek aýdanyndaǵy kóshege ornatylǵan elektr baǵanasyna soǵylǵan. Júrgizýshi kólik jyldamdyǵyn tejeı almaı, keıin turǵyn úıdiń qorshaýyn buzyp kirgen. Sonyń saldarynan turǵyn úıdiń qorshaýy men aýlada turǵan jeńil avtokólik búlindi», dep habarlady departamenttiń baspasóz qyzmeti.
Atyraý qalasynyń aýmaǵynan turmystyq qaldyqtar men qoqysty arnaıy polıgonǵa tasymaldaıtyn arnaıy júk kóliginiń rýlinde 1990 jylǵy júrgizýshi bolǵan. Alaıda, júrgizýshiniń dál sol sátte rýlge mas kúıde otyrǵany anyqtaldy.
Qazir polıtsııa qyzmetkerleri jol-kólik oqıǵasyna baılanysty tıisti is-qujattardy jınaqtap, sotqa joldady.
Eske sala ketelik, budan buryn Atyraýda qaýipsizdik beldigin taqpaǵan 6 myńǵa jýyq júrgizýshi jazalanǵanyn habarlaǵan bolatynbyz.