Atyraýda mas jolaýshy polıtsııanyń formasyn jyrtty
ASTANA. QazAqparat - Atyraýda mas jolaýshy jol polıtsııasynyń formasyn jyrtty. Oǵan 100 saǵat qoǵamdyq jumystarǵa jegý jazasy berildi, dep habarlady mgorod.kz.
Óz qyzmetin atqarý barysynda polıtsııa aǵa serjanty Atyraý-Oral tas jolynda sekem týdyrǵan «Vaz-21154» markaly avtokólikti toqtatqan. Mas er adam kóliktiń jolaýshylar jaǵynan shyǵyp, jol polıtseıine umtylǵan jáne tártip saqshysynyń formasyn jyrtqan.
«Aıyptalýshy isimen tanys bolǵan sot onyń óz aıybyn moıyndaǵanyn, buryn sottalmaǵanyn eskere otyryp, QR QK 397-baby, 1-bólimi («Bılik ókiliniń zańdy talabyna nemese buıryǵyna moıynsunbaý») boıynsha aıypty dep tanyp, 100 saǵat qoǵamdyq jumystarǵa jegý túrindegi jazany taǵaıyndady. Sot úkimi zańdy kúshine endi», - dep habarlady Mahambet aýdandyq sotynyń baspasóz qyzmeti.
