Atyraýda mas jigit mektepke bomba qoıyldy dep polıtsııaǵa jalǵan habar bergen

ATYRAÝ. QazAqparat – Atyraýda mas jigit mektepke jarylǵysh zat qoıylǵany týraly jalǵan habar bergen, dep habarlaıdy QazAqparat.

Bul týraly 23 jastaǵy mas jigit Atyraý qalalyq polıtsııa basqarmasynyń 102 nomerine habarlaǵan.

«Osy derekke baılanysty polıtsııa qyzmetkerleri Atyraý qalasynyń M.Baımuhanov kóshesinde ornalasqan orta mektep ǵımaratyna tekserý jumysyn júrgizdi. Tekserý nátıjesinde jarylǵysh zat tabylmady. Tártip saqshylary jedel-izdestirý is-sharasy kezinde 1999 jylǵy turǵyndy anyqtap, ustady. Narkologııalyq saraptamanyń qorytyndysymen 23 jastaǵy jigittiń jeńil dárejedegi mas kúıde bolǵany anyqtaldy», -dep habarlady departamenttiń baspasóz qyzmeti.

Qazir ustalǵan kúdiktige qatysty QR Qylmystyq kodeksiniń 273-babymen sotqa deıingi tergeý bastaldy.

Ózge aqparat QR Qylmystyq-protsesstik kodeksiniń 201-babyna səıkes jarııalanbaıdy.

Eske sala ketelik, budan buryn Atyraýda zańsyz aınalymnan 8 qarý tárkilengenin jazǵan edik.