Atyraýda mas turǵyn adam óltirgeni týraly jalǵan habar bergen
Atyraý qalalyq polıtsııa basqarmasyna 1 aqpan kúni, saǵat 12:18 shamasynda er adamnan habar túsken.
«Atalǵan derekti tekserý kezinde 1989 jyly týǵan jigittiń polıtsııaǵa jalǵan habar bergeni anyqtaldy. Narkologııalyq saraptamanyń qorytyndysymen er adamnyń orta dárejedegi mas kúıde bolǵany dáleldendi. Ol ishimdik ishkendikten osyndaı áreketke barǵanyn aıtyp, kinásin moıyndady», - dep habarlady oblystyq Polıtsııa departamentiniń baspasóz qyzmetinen.
33 jastaǵy er adamǵa qatysty QR Ákimshilik quqyqbuzýshylyq týraly kodeksiniń 438-baby 1-bóligi boıynsha (Arnaýly qyzmetterdi kórineý jalǵan shaqyrý, memlekettik órtke qarsy qyzmet organdaryn, polıtsııany, medıtsınalyq jedel járdemdi, avarııalyq qyzmetterdi kórineý jalǵan shaqyrý) ákimshilik hattama toltyryldy. Oǵan 91 890 teńge kóleminde aıyppul salyndy.
«Ótken jyly polıtsııa qyzmetkerlerine jalǵan habar bergen 60-qa jýyq adam ákimshilik jaýapkershilikke tartyldy. Al bıylǵy jyl basynan beri 3 adamnyń osyndaı jalǵan aqparat bergeni anyqtaldy», - dep málim etti baspasóz qyzmetinen.
