Atyraýda mas kúıinde jol apatyn jasaǵan áıelge 555 myń teńge aıyppul salyndy

ATYRAÝ. QazAqparat – Atyraýda mas kúıinde jol apatyn jasaǵan áıelge 555 600 teńge aıyppul salyndy, dep habarlaıdy QazAqparat.

«Atyraý qalasynyń mamandandyrylǵan ákimshilik sotynda Ákimshilik quqyq buzý týraly kodekstiń 608-baby 8-bóligi jáne 476-baby 6-tarmaǵymen jol apatyn jasaǵan azamatshaǵa qatysty ákimshilik is qaraldy. Sotta anyqtalǵandaı, quqyq buzýshynyń kólik júrgizýge quqyǵy bolmaǵan. Biraq ol 3 mamyr saǵat 18:50 shamasynda alkogoldi masań kúıde «MERCEDES BENZ 124» markaly avtokóligin tizgindep kele jatyp, Atyraý qalasyndaǵy Mamekuly kóshesi boıynda «MITSUBISHI OUTLANDER 2.4» markaly kólikpen soqtyǵysqan. Sonymen qatar, ol tótenshe jaǵdaıdyń jarııalanýyna baılanysty turǵylyqty mekenjaıdan shyǵýǵa salynǵan tyıymdy buzǵan» dep habarlady oblystyq sottyń baspasóz qyzmeti.

Onlaın rejımde ótken sotta quqyq buzýshy óz kinásin moıyndap, qamqorlyǵynda kámeletke tolmaǵan tórt balasy bar ekenin aıtqan. Alaıda jábirlenýshige jol-kólik oqıǵasynan kelgen zalal ótelmegen.

Sot qaýlysymen quqyq buzǵan azamatsha kináli dep tanylyp, oǵan QR Ákimshilik quqyq buzý týraly kodekstiń 608-baby 8-bóligimen 555 600 teńge kóleminde aıyppul salyndy.

Sondaı-aq, atalǵan kodekstiń 476-babynyń 6-tarmaǵy boıynsha eskertý túrindegi jaza qoldanyldy.