Atyraýda mas kúıde rýlge otyrǵan sheteldik 7 jylǵa kólik júrgizý quqyǵynan aıyryldy

ATYRAÝ. QazAqparat – Atyraýda mas kúıde rýlge otyrǵan Grýzııa azamaty 7 jylǵa kólik júrgizý quqyǵynan aıyryldy, dep habarlaıdy QazAqparat.

Oblystyq polıtsııa departamentiniń baspasóz qyzmetinen málim etkendeı, búgin, 16 aqpanda saǵat 05:50 shamasynda «VAZ – 2115» avtokóligi toqtatylǵan.

«Patrýldik polıtsııa qyzmetkerleri Atyraý qalasyndaǵy Azattyq kóshesinde toqtatylǵan kóliktiń rýlinde Grýzııa Respýblıkasynyń 1978 jylǵy azamaty bolǵanyn anyqtady. Tekserý kezinde júrgizýshiden alkogoldik ishimdiktiń ıisi baıqalǵan.

Medıtsınalyq saraptamanyń qorytyndysymen sheteldik azamattyń jeńil dárejedegi masań kúıde ekeni dáleldendi», - dep habarlady departamenttiń baspasóz qyzmeti.

Mas júrgizýshige QR Ákimshilik quqyqbuzýshylyq týraly kodeksiniń 608-babynyń 1-bóligimen ákimshilik hattama toltyryldy. Sot sheshimimen sheteldik azamat 15 táýlikke ákimshilik qamaýǵa alynyp, 7 jyl merzimge kólik júrgizý quqyǵynan aıyryldy.

Eske sala ketelik, buǵan deıin Atyraýda kóligin mas adamǵa aıdaýǵa bergen áıelge 428 myń

teńge aıyppul salynǵanyn habarlaǵan bolatynbyz.