Atyraýda mas er adam kólik qozǵalysyna kedergi keltirdi
ATYRAÝ. QazAqparat – Atyraýda mas er adam kólik qozǵalysyna kedergi keltirdi, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, mas er adamnyń jol ortasyna shyǵyp, kólik toqtatpaq bolǵany beınebaqylaý kamerasyna túsken.
«Jedel basqarý ortalyǵynyń qyzmetkerleri 6 qyrkúıekte saǵat 16:55 shamasynda Atyraý qalasyndaǵy Azattyq dańǵylynda jol ortasyna shyqqan er adamdy baıqaǵan. Oqıǵa ornyna jetken patrýldik polıtsııa qyzmetkerleri 44 jastaǵy er adamdy medıtsınalyq saraptamaǵa apardy. Saraptamen qorytyndysymen Qyzylqoǵa aýdany turǵynynyń orta dárejedegi mas ekeni anyqtaldy» -dep habarlady departamenttiń baspasóz qyzmeti.
Kólik qozǵalysyna kedergi keltirgen mas er adamǵa qatysty QR Ákimshilik quqyqbuzýshylyq týraly Kodeksiniń 440-babynyń 1-bólimimen (Alkogoldik ishimdikterdi ishý nemese qoǵamdyq oryndarǵa masań kúıde kelý) hattama toltyrylyp, 5 aılyq eseptik kórsetkish kóleminde aıyppul salyndy.
Eske sala ketelik, buǵan deıin Atyraýda bir kúnde qoǵamdyq orynda mas júrgen 50 adam ustalǵanyn jazǵan bolatynbyz.
