Atyraýda mas adam sýǵa túsem dep mert boldy
ATYRAÝ. QazAqparat - Atyraýda 34 jastaǵy er adam sýǵa ketip, kóz jumdy, dep habarlaıdy QazAqparat tilshisi.
«1984 jyly týǵan er azamat keshe saǵat 20.25-de Atyraý qalasyndaǵy Kýrılkın kentinde Rybnıkov kóshesindegi Jaıyq ózenine mas kúıinde sýǵa batyp ketti. Іzdeý jumystaryna Batys óńirlik aeroutqyr jedel-qutqarý jasaǵynyń 3 qyzmetkeri men arnaıy qaıyqtar jumyldyryldy. Jergilikti turǵyndar er azamattyń máıitin búgin tańerteń saǵat 06.30-da sýdan shyǵaryp, týǵan-týystaryna tapsyrdy», - dep habarlady oblystyq TJD baspasóz qyzmetinen.
Aıta keteıik, shomylý maýsymy bastalǵaly Atyraý oblysynda osymen 15 adam sýǵa ketken. Onyń 9-y balalar.
