Atyraýda mas adam eski sý aıdaıtyn munarada uıyqtap ketken
ATYRAÝ. QazAqparat - Atyraýdaǵy mas er adam bıiktigi 32 metr bolatyn eski sý aıdaıtyn munarada uıyqtap ketken. Ony týystary kórip qutqarýshylardy shaqyrdy, dep habarlaıdy QazAqparat tilshisi.
Atyraý oblysynyń Tótenshe jaǵdaılar departamentiniń baspasóz qyzmetiniń habarlaýynsha, oqıǵa 15 shilde kúni keshke Mahambet aýdanynyń Beıbarys kentinde bolǵan.
Jergilikti turǵyndar jeksenbi kúni keshki saǵat 19.00-de aýdandyq ІІB-ne telefon shalǵan. Olar er adamnyń aıaqtary eski sý aıdaıtyn munarasynyń eń joǵarysynda ilinip turǵanyn kórip, habarlaǵan. Polıtsııa qyzmetkerleri Mahambet aýdanynyń №4 órt bólimine habarlasyp, oqıǵa ornynda qutqarý qyzmetiniń kúzetshisin jibergen.
«Bıiktigi 32 metr bolatyn sý aıdaıtyn munaranyń joǵary jaǵyna komandır Ilıas Búrkitov kóterildi. Ol munaranyń joǵary jaǵynda uıyqtap jatqan 44 jastaǵy jergilikti turǵyndy tapty. Álgi ishimdikke toıyp alǵan eken. Qutqarýshy mas er adamdy qaýipsiz jerge jetkizdi», dedi órt sóndirý bóliminiń bastyǵy Erjan Ahanov.
