Atyraýda marqum bolǵan 4 dárigerdiń týystaryna memnagradalar tabystady
ATYRAÝ. QazAqparat – Atyraý oblysynyń ákimi Mahambet Dosmuhambetov marqum bolǵan tórt medıtsına qyzmetkeriniń týystaryna memlekettik nagradany tabystady, dep habarlaıdy Atyraý oblystyq kommýnıkatsııa qyzmeti.
Prezıdent Qasym-Jomart Toqaevtyń Qazaqstan Respýblıkasynyń memlekettik nagradalarymen nagradtaý týraly Jarlyǵyna sáıkes, atyraýlyq marqum bolǵan tórt medıtsına qyzmetkeri men koronavırýs ınfektsııasyna qarsy kúreste janqııarlyq kórsetken birqatar dárigerler memlekettik nagradalarmen marapattaldy.
Naqtyraq aıtqanda, «Qurmet» ordenimen oblystyq №2 aýrýhanasynyń ınfektsıonıst dárigeri Jumabek Dáýletov, oblystyq jedel járdem stansasynyń feldsheri Almagúl Demesinova, Atyraý oblysy aýrýhanasynyń rentgenolog dərigeri Ǵadilet Sultanǵalıev jáne «Eren eńbegi» medalimen Atyraý oblystyq kardıologııalyq ortalyǵynyń hatshysy Papýzına Elena ıAkovlevna nagradtaldy.
Aımaq basshysy Mahambet Dosmuhambetov marqum bolǵan medıtsına qyzmetkerleriniń nagradalaryn olardyń jaqyndaryna tabys etti. Sonymen birge, qyzmettik boryshyn úlgili atqarǵany, azamattardyń densaýlyǵyn saqtaýdaǵy janqııarlyq eńbegi úshin birqatar dárigerler de memlekettik nagradalarǵa ıe boldy.
Oblys ákimi Mahambet Dosmuhambetov myltyqsyz maıdanda aldyńǵy qatarda qaýip-qatermen kúndelikti betpe-bet kelip júrgen aq halattylarǵa sózsiz erligi úshin zor alǵysyn bildirdi. «Bizdiń óńir úshin ár dárigerdiń oryn erekshi, sizderdi árdaıym qoldaımyz»,-dedi aımaq basshysy.
«Búginde koronavırýspen kúreste aldyńǵy qatarda qyzmet etip júrgen barsha qaısar, batyl qyzmetkerlerimizdiń eńbegi elenip jatqanyna qýanyshtymyn. Osy qıyndyqtan bir halyq, bir qoǵam bolyp eńserip shyǵatynymyzǵa senimdimin», - dedi «Parasat» ordenimen marapattalǵan oblystyq medıtsınalyq jedel járdem stantsııasy dırektorynyń orynbasary Gúlnafıs Rahmetova.
