Atyraýda lımon ósirile bastady
ATYRAÝ. QazAqparat - Atyraýda ónerkásiptik aýqymda lımon ósiriletin alǵashqy baqsha ashyldy, dep habarlaıdy «QazAqparat» HAA tilshisi.
«Bizdiń klımattyq jaǵdaıǵa beıimdeletin lımonnyń túrin uzaq tańdadyq. Nátıjesinde Tashkenttegi lımonarııada ósiriletin «Dúnıe» (Mır) surpyna toqtalyp, onyń alǵashqy 2 myń kóshettin bir gektar jerge ektik, - dedi Atyraý oblysyndaǵy sharýa qojalyqtarynyń biriniń jetekshisi Vladımır Rozmetov.
Sharýa qojalyǵynyń jetekshisi Atyraýda lımon ósirýge ózbekstandyq mamandardyń kómektesetindigin aıtty.
«Kún sýytqanda ósindini úsik shalmas úshin jylyjaı ornatamyz. Alǵashqy ónimdi aldaǵy jyly alamyz dep josparlaýdamyz. 4 jyldan keıin ár tal 150 kelige deıin lımon berýi múmkin. Bul jobany tek Atyraý oblysynda ǵana emes, lımondy shetten alyp keletin Qazaqstannyń basqa óńirlerinde de júzege asyrýdy kózdep otyrmyz», - dep atap ótti V. Rozmetov.
