Atyraýda lıft shahtasyna qulaǵan jasóspirimderge qatysty jańa derekter anyqtaldy
ATYRAÝ. QazAqparat - Atyraýda lıft shahtasynda mert bolǵan jasóspirimniń ólimine qatysty naqty derekter paıda boldy, dep habarlaıdy QazAqparat.
Qaıǵyly jaǵdaı Almagúl shaǵyn aýdanyndaǵy №19 úıde dúısenbi kúni keshkisin bolǵan. 15 jastaǵy eki jasóspirim 16 qabatty úıdiń 15-shi qabatynda jumys istemeı turǵan júk tasıtyn lıfttiń esigine kirgen. Sol sátte jasóspirimderdiń ekeýi de shahtaǵa qulap ketken. Olardyń biri oqıǵa ornynda kóz jumdy. Ekinshisi kóptegen dene jaraqattarymen aýrýhanaǵa jetkizildi.
Qazirgi tańda dárigerler balanyń ómiri úshin kúresip jatyr.
Buǵan deıin oqıǵa ornynda Tótenshe jaǵdaılar qyzmetkerleri jumys istep jatqanyn habarlaǵan bolatynbyz.
