Atyraýda Lexus mingen áıel eki adamdy qaǵyp ketti
ATYRAÝ. QazAqparat – Atyraýda júrgizýshi áıel eki jaıaý júrginshini qaǵyp ketti. Onyń biri – 1 jastaǵy bala, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, jol-kólik oqıǵasy keshe, 28 naýryzda saǵat 14:00 shamasynda bolǵan.
«Atyraý qalasyndaǵy Berǵalıev kóshesinde ornalasqan úılerdiń biriniń tusynda 43 jastaǵy áıel «Lexus RX 300» avtokóligimen joldan ótip bara jatqan eki jaıaý júrginshini qaǵyp ketken. Kólik qaqqan júrginshiniń biri – 40 jastaǵy áıel, al ekinshisi –2021jyly týǵan bala. Jol-kólik oqıǵasynyń saldarynan ártúrli dene jaraqatyn alǵan bir jastaǵy balaqaı oblystyq balalar aýrýhanasyna jetkizildi», - dep habarlady departamenttiń baspasóz qyzmetinen.
Qazir júrgizýshi áıeldiń avtokóligi arnaıy turaqqa qoıylyp, tıisti is-qujattar jınaqtalyp jatyr.
Eske sala ketelik, budan buryn Atyraýda taǵy bir jol apatynan júrgizýshiniń biri mert bolyp, ekinshisi aýrýhanaǵa túskenin habarlaǵan edik.
