Atyraýda qyzyn gıtaramen urǵan er adam sottaldy
ATYRAÝ. QazAqparat - Atyraýda kámeletke tolmaǵan qyzyn gıtaramen uryp jibergen er adam sottaldy, dep habarlaıdy QazAqparat tilshisi.
«Atyraý qalalyq mamandandyrylǵan ákimshilik sotynda quqyqbuzýshy A.-ǵa qatysty ákimshilik is qaraldy. Sot tyńdaýlary barysynda anyqtalǵandaı, alkogoldik mas kúıinde bolǵan er adam 2018 jyldyń maýsym aıynda óz úıinde janjal shyǵarǵan. Onyń barysynda kámeletke tolmaǵan qyzynyń basynan gıtaramen qasaqana bir uryp, densaýlyǵyna jeńil zııan keltirgen. Sot úkimimen A. kináli dep tanyldy. Oǵan 7 táýlik merzimine ákimshilik qamaý jazasy taǵaıyndaldy», - dep habarlady Atyraý qalalyq mamandandyrylǵan ákimshilik sotynyń baspasóz qyzmetinen.
