Atyraýda Qyzylqoǵa aýdany «servıstik ákimdik» formatyna kóshti
QR Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń birinshi orynbasary Aıdos Mamyttyń aıtýynsha, «servıstik ákimdik» – open space rejıminde jumys isteıtin arnaıy joba.
«Memleket basshysynyń tapsyrmasy – memlekettik qyzmettiń sapasyn jaqsartyp, halyqtyń tsıfrly saýattylyǵyn arttyrý. Sondaı-aq, sybaılas jemqorlyqqa jol bermeý maqsatyn kózdeıtin bul joba aýdan turǵyndaryna qolaıly bolady. Sol sebepti, «Servıstik ákimdik» memlekettik qyzmet kórsetetin mekemelerdi bir jerge shoǵyrlandyryp, azamattarǵa qolaıly jaǵdaı jasaýmen erekshelenedi. Joba eń áýeli turǵyndar ıgiligine qyzmet etýdi kózdeıdi. Jergilikti atqarýshy bıliktiń ókilderi turǵyndarǵa qajetti qyzmet túrlerin bir jerden kórsetedi. Budan bylaı ýaqyty tyǵyz, jumysy qaýyrt jandar ár bólimdi izdep, kez-kelgenniń tabaldyryǵyn tozdyrmaıdy» - deıdi Aıdos Mamyt.
Eske sala ketelik, budan Atyraýda tórtinshi «servıstik ákimdik» ashylǵanyn habarlaǵan bolatynbyz.