Atyraýda «qyzyl» mártebemen qoǵamdyq oryndarǵa barǵan 27 adamnyń tizimi jarııalandy
ATYRAÝ. QazAqparat – Atyraýda «qyzyl» mártebemen qoǵamdyq oryndarǵa barǵan 27 adamnyń tizimi jarııalandy, dep habarlaıdy QazAqparat.
Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, «qyzyl» mártebemen qydyryp júrgenderdiń arasynda 21 adam Atyraý qalasynan anyqtalǵan. Al, Jylyoı, Qyzylqoǵa, Maqat, Inder aýdandarynan – 1, Mahambet aýdanynan 2 adamnan «qyzyl» mártebe tabylǵan.
«Bular – koronavırýs ınfektsııasymen syrqattanǵan jáne naýqaspen qarym-qatynasta bolǵany úshin úı jaǵdaıynda oqshaýlanǵan adamdar. Alaıda, olar 14 kúnge ózin-ózi oqshaýlaý rejımin buzǵan. Sol sebepten, «qyzyl» mártebesi bar 27 adamǵa QR Ákimshilik quqyq buzýshylyq týraly kodeksiniń 425-baby 1-tarmaǵyna sáıkes hattama toltyrylyp, aıyppul túrinde ákimshilik shara qoldanyldy», - dep habarlady departamenttiń baspasóz qyzmeti.
Eske sala ketelik, buǵan deıin Atyraýda jyl basynan beri karantın talaby 620 márte buzylǵanyn habarlaǵan edik.
