Atyraýda qyzǵa judyryq jumsaǵan er adamǵa qatysty jańa derekter shyqty
ATYRAÝ. QazAqparat – Atyraýda qyzdyń betinen judyryqpen urǵan er adamǵa qatysty jańa derekter shyqty, dep habarlaıdy QazAqparat tilshisi.
Eske sala keteıik, Atyraýda baqylaý kameralarynan áleýmettik jelide jarııalanǵan vıdeo jeli qoldanýshylarynyń narazylyǵyn týdyrdy. Jazba oblys ortalyǵyndaǵy eń iri «Dına» bazarynyń kókónis satatyn pavılonynda túsirilgen. Kadrda eki qyzdyń janynan ótip bara jatqan er adamnyń olardyń biriniń betinen urǵandyǵyn anyq kórinedi.
«QR Qylmystyq kodeksiniń 293-babyna sáıkes sotqa deıingi tergep-tekserý bastaldy. Ol bapta buzaqylyq úshin jazaǵa tartý kózdelgen. Biraq sot-medıtsınalyq saraptamasynan keıin ol 106, 107 nemese 108 baptarmen aýystyrylýy múmkin. Bul atalǵan baptar densaýlyqqa qasaqana zııan keltirgeni úshin jaza túrleri belgilengen», - dep málimdedi oblystyq polıtsııa departamentiniń baspasóz qyzmeti.
Óńir prokýratýrasy ustalǵan er adam 1986 jyly týǵan kúdikti ekendigin málimdedi.
«2010 jyldan beri ol oblystyq psıhonevrologııalyq dıspanserde esepte tur. Qazirgi kezde «tulǵasynyń turaqsyz emotsııalyq buzylýy» dıagnozymen oblystyq psıhologııalyq densaýlyq ortalyǵyna ornalastyrylǵan. Densaýlyqqa keltirilgen zııannyń deńgeıin anyqtaý úshin sot-medıtsınalyq saraptamasy belgilendi. Tekseris prokýratýranyń qadaǵalaýynda», - dedi vedomstvo ókilderi.
Avtor: A. Sokolov
