Atyraýda qyzdyń betinen judyryqpen urǵan er adam ustaldy
ATYRAÝ. QazAqparat – Atyraýda áıel adamdy betinen judyryqpen urǵan er adam ustaldy, dep habarlaıdy «QazAqparat» HAA agenttigi.
Atyraýda baqylaý kameralarynan áleýmettik jelide jarııalanǵan vıdeo jeli qoldanýshylarynyń narazylyǵyn týdyrdy. Jazba oblys ortalyǵyndaǵy eń iri «Dına» bazarynyń kókónis satatyn pavılonynda túsirilgen. Kadrda eki qyzdyń janynan ótip bara jatqan er adamnyń olardyń biriniń betinen urǵandyǵyn anyq kórinedi.
Óńirlik Polıtsııa departamentiniń baspasóz qyzmeti málim etkenindeı, vıdeo negizinde tekseris taǵaıyndalǵan. Qyzdy soqqyǵa jyqqan er adamnyń aty-jóni anyqtalyp, qolǵa túsken. Sotqa deıingi tergeý amaldary júrgizilip jatyr.
A. Sokolov
