Atyraýda qysym datchıkterin óndiretin Qazaqstandaǵy alǵashqy zaýyt ashyldy
ATYRAÝ. QazAqparat - Atyraýda qysym datchıkterin óndiretin Qazaqstandaǵy alǵashqy zaýyt ashyldy. Jańa nysan QR Táýelsizdik kúnin merekeleý qarsańynda paıdalanýǵa berildi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Jobany «QazMunaıGaz» UK» AQ men «Schneider Electric» qurǵan «KMG Automation» birlesken kásipornynyń kúshteri júzege asyryp jatyr. Aspaptar túrli óndiristik ján klımattyq jaǵdaıda qysymdy ólsheýge múmkindik beredi. Saltanatty ashylý rásimine Atyraý oblysynyń, Atyraý qalasynyń basshylyǵy, qazaqstandyq jáne halyqaralyq kompanııalar men uıymdardyń ókilderi qatysty.
«Memleket basshysy Úkimetke, ortalyq atqarýshy bılik organdaryna, ulttyq kompanııalarǵa otandyq ónimderdi paıdalanýdy tapsyrdy. Ólsheý qurylǵylary ónimderiniń sapasy men zaýyt ónimdiligin arttyrýǵa baılanysty máseleler baqylaýǵa alynǵan. Mamandardyń kásibıligi men tájirıbesiniń arqasynda ónimniń álemdik talaptarǵa sáıkes bolatynyna senimdimiz», - dedi Atyraý oblysynyń ákimi Nurlan Noǵaev.
Aıta keteıik, zaýyt birinshi kezeńde seriktester jetkizetin datchıkterdi qurastyratyn bolady, keıin qazaqstandyq úlesti 60% -ǵa deıin arttyrady. Óndiristiń birinshi kezeńinde jylyna 2000 danaǵa deıin ónim óndirilmek.
