Atyraýda kúzet qyzmeti basqarmasynyń bastyǵy jemqorlyq kúdigine ilindi

NUR-SULTAN. QazAqparat – Atyraý oblysynyń arnaıy kúzet basqarmasynyń bastyǵy jemqorlyq kúdigine ilindi. Bul aqparatty QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov rastady, dep habarlaıdy QazAqparat tilshisi.

Agenttik ótkizgen onlaın baspasóz máslıhatynda «Atyraý oblysynyń mamandandyrylǵan kúzet qyzmeti basqarmasy mekemesiniń bastyǵynyń ustalǵanyn rastaısyz ba? Ol qyzmette bolmaǵan polıtsııa qyzmetkerlerine aqsha aýdaryp, memlekettik benzındi satqany ras pa?» degen suraq qoıylǵan bolatyn.

«Rastaımyz. Basshylardyń birine qatysty qamaýǵa alý jónindegi bultartpaý sharasy tańdalyp alyndy. Tergeý múddesine sáıkes, qalǵan aqparatty jarııalaı almaımyz», - dedi Danııar Bekaıdarov.