Atyraýda quıynǵa uqsas órt sóndirildi
ATYRAÝ. QazAqparat - Atyraýda qamystar órtenip, órttiń tútini quıynǵa uqsas bolyp shyǵyp, qalyń kópshilikti dúrliktirgen bolatyn. Órt sóndirildi, dep habarlaıdy QazAqparat.
Atyraý oblystyq Tótenshe jaǵdaılar departamentiniń habarlaýynsha, Kaspıı teńizi jaǵalaýyndaǵy qamystardyń arasynan órt 19 qazan kúni tústen keıin paıda bolǵan. Jalyn 11 gektar aýmaqty sharpyǵan. Birinshi kúni 3 ga aýmaqtaǵy, ekinshi kún 7 ga jerdegi órt sóndirildi. Úshinshi kúni sońǵy 1 ga jerdegi jalyn sóndirildi.
Tótenshe jaǵdaılar departamenti qyzmetkerleriniń habarlaýynsha, qamystyń tamyry óte tereńde jatady. Osyǵan qaraı órt te kez kelgen ýaqytta paıda bolýy múmkin. Sol sebepti quzyrly organ ókilderi qazir jaǵdaıǵa monıtorıng júrgizýde.
