Atyraýda kúıeýi áıeliniń ólimi úshin 11 jylǵa sottaldy
ASTANA. QazAqparat - Atyraý oblysynyń qylmystyq ister jónindegi mamandandyrylǵan aýdanaralyq sotynda densaýlyqqa qasaqana aýyr zııan keltirgeni jáne adam óltirgeni úshin aıyptalǵan S.Bossqa qatysty qylmystyq is qaraldy, dep habarlaıdy sottyń baspasóz qyzmetinen.
Qaıǵyly oqıǵa 2016 jyldyń 4 shildesinde áıeli qyzyn alyp barǵan balabaqshanyń janynda oryn alǵan. Sol jerde sottalýshy men jábirlenýshi arasynda nekede jınaǵan múlikti bólý jaıynda kelispeýshilik týyndaıdy.
Sol mezette ol burynǵy áıeline birneshe ret pyshaqpen jaraqat salyp, artynsha, óz ómirine qol suqpaq bolyp, pyshaqpen óz ishinen urady. Alaıda, ol tiri qalyp, 43 jastaǵy áıel esin jımastan, jan saqtaý bóliminde kóz jumǵan.
Sot úkimimen S.A. Qazaqstan Respýblıkasynyń Qylmystyq Kodeksiniń 106 babynyń 1 bóliginde (densaýlyqqa qasaqana aýyr zııan keltirý), 99 babynyń 1 bóliginde (adam óltirý) kózdelgen qylmystardy jasaǵany úshin kináli dep tanylyp, «qatań» rejımdegi túzeý kolonııasynda 11 jyl merzimge bas bostandyǵynan aıyrý jazasy taǵaıyndaldy.
Sot úkimi zańdy kúshine engen joq.
