Atyraýda qutqarýshylar jańa jyl túninde jasóspirimniń saýsaǵyndaǵy saqınany sheshýge kómektesti
ATYRAÝ. QazAqparat – Atyraýda qutqarýshylar jańa jyl túninde jasóspirimniń saýsaǵyndaǵy saqınany kesip alyp berdi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, oqıǵa 1 qańtarda túnde bolǵan.
«Departamenttiń dıspetcherlik pýltine saǵat 01:46-da jasóspirimniń saýsaǵyna saqına keptelip qalǵany týraly aqparat tústi. Ooblystyq balalar aýrýhanasynyń qabyldaý bólimshesine 15 jastaǵy jasóspirim júgingen. Qutqarýshylar onyń saýsaǵyndaǵy saqınany arnaıy quralmen kesip aldy. Jasóspirimniń densaýlyǵyna zııan kelgen joq», -dep málim etti departamenttiń baspasóz qyzmetinen.
Eske sala ketelik, budan buryn Atyraýda Aıaz ata men Aqsha qar kıimindegi qutqarýshylar balalardy quttyqtaǵan edi.
