Atyraýda qutqarýshylar túngi reıdke shyǵyp, Jaıyqta júrgen turǵyndardy taratty
Sońǵy úsh jylda Atyraý oblysynda 68 adam sýǵa batyp ketken. Onyń ishinde 20
bala bar.
Al, jaqynda joǵalǵan 9 jasar balanyń denesi sýdan tabylǵan edi.
Oblystyq tótenshe jaǵdaılar departamenti basshysynyń orynbasary Ashat Erjanovtyń
aıtýynsha, óńirdegi sý aıdyndarynda qatqan muz qalyń emes. Muzdyń juqalyǵy balyq aýlaıtyn eresekter men syrǵanaq tebetin balalarǵa qaýip týdyrady.
Sol sebepten, 30 qańtarda keshkisin Atyraý qalalyq tótenshe jaǵdaılar basqarmasynyń
bastyǵy Nurjan Jaqataev pen orynbasary Magomed Ahrıev daýys zoraıtqyshpen Jaıyq
ózeninde qatqan muz ústinde júrgen turǵyndarǵa eskertý jasady. Eskertýden soń turǵyndar úılerine oraldy.
«Túngi mezgilde muz ústinde júrýge tyıym salynady. Qazir muzdyń qalyńdyǵy – 13-14 sm. Adamdardyń qaýipsizdigi úshin muzdyń qalyńdyǵy 15 sm-den joǵary bolýy kerek», - deıdi Nurjan Jaqataev.
