Atyraýda qutqarýshylar kanalǵa batyp ketken 9 jasar balanyń denesin izdep jatyr
ATYRAÝ. QazAqparat - Atyraý oblysynda kanalǵa batqan balany izdeý jumysy jalǵasyp jatyr, dep habarlaıdy QazAqparat.
Atyraý oblystyq tótenshe jaǵdaılar departamentiniń málimetine sensek, qaıǵyly jaǵdaı Jylyoı aýdanyndaǵy Qursa kanalynda bolǵan.
2012 jyly týǵan bala sý arnasyna batyp ketken.
26 sáýir kúni keshki 20:35 kezinde qutqarý qyzmetine shuǵyl habar kelip túsken. Sol sátte oqıǵa ornyna súńgýirler toby jiberilgen.
Sý astynan balany izdeý jumysy 1,5 saǵatqa sozyldy. Qarańǵy túsken soń qaýipsizdik maqsatynda izdeý jumysy toqtady.
Degenmen qutqarýshylar balanyń denesin qaıyq jáne qural-saımannyń kómegimen izdep jatyr.
Atalǵan sharalarǵa qutqarýshylar, balanyń týystary jáne volonterler jumyldyrylǵan. Bul jumys toqtamaıdy.
Tańǵa jýyq Jylyoı aýdanyna Atyraýdan qosymsha súńgýirler keledi.
