Atyraýda kúshtik qurylymdar arasynda qoıan-qoltyq urystan jarys ótti
«Atyraýda quqyq qorǵaý organdary, kúshtik qurylymdar jáne Qazaqstannyń ózge de arnaýly qurylymdarynyń qyzmetkerleri men áskerı qyzmetshileri arasynda qoıan-qoltyq urystan jarys ótti. Oǵan Іshki ister, Tótenshe jaǵdaılar mınıstrlikteriniń, Bas prokýratýranyń, Ultty gvardııanyń, Shekara qyzmetiniń, mamandandyrylǵan kúzet qyzmetiniń, sonymen qatar Nur-Sultan, Almaty, Shymkent qalalarynyń, oblystardyń polıtsııa jáne kóliktegi polıtsııa departamentteriniń qurama komandalary qatysty», - dedi ІІM ókili vedomstvonyń baspasóz qyzmeti alańynda ótken brıfıngte.
Onyń dereginshe, jarys 8 salmaq sanaty boıynsha ótti.
«Vedomstvolar arasyndaǵy tartysty jekpe-jek barysynda bas júlde ІІM, ekinshi oryn Memlekettik qyzmet, al úshinshi oryn Ulttyq gvarııa komandasynda buıyrdy. Polıtsııa departamentteri arasynda birinshi oryndy Atyraý oblysynyń komandasy jeńip aldy. Al ekinshi orynǵa Qaraǵandy oblystyq, úshinshi orynǵa Aqtóbe oblystyq polıtsııa departamentiniń komandasy turaqtady», - dedi Shuǵyla Turlybek.
Vıdeodan alynǵan kadr/facebook.com/qriim.mvdrk
