Atyraýda quryp bara jatqan Jaıyq ózeni týraly fotokórme ashyldy
«Qyrkúıek aıynda National Geographic Qazaqstan jýrnalynyń rejısserleri, raıterleri, fotograftary men zertteýshilerinen quralǵan komanda Atyraý oblysyna ekspedıtsııaǵa keldi. Qazaqstan aýmaǵyndaǵy ózenniń barlyq uzyndyǵy qamtyldy. Fotokórmede kásibı sheteldik jáne otandyq fotograftardyń 30 fotosýreti usynyldy. Onda ózen jaǵasyndaǵy qustar men ańdar, balyqtar beınelengen. Sondaı-aq Jaıyq ózeniniń jaǵalaýy da kórinis tapqan. Sonymen qatar, fotosýretterde Jaıyqtyń qalaı aǵyp jatqany, ózen ortasyndaǵy araldardyń qalaı paıda bolǵany, búkil ózen boıynda aǵashtar men butalar qalaı óletini kórsetilgen», - dedi National Geographic Qazaqstan jýrnalynyń bólim meńgerýshisi Nursultan Sádýaqasov.
Onyń aıtýynsha, jobanyń maqsaty –Jaıyqtyń ekologııalyq máselesine, sý jetispeýshiligine qoǵam nazaryn aýdarý.
