Atyraýda qurylysy toqtaǵan kontsert zaly saýda ortalyǵyna aınalýy múmkin
ATYRAÝ. QazAqparat – Atyraýda 10 jyldan beri qurylysy toqtap turǵan kontsert zaly saýda ortalyǵyna aınalýy múmkin, dep habarlaıdy QazAqparat.
Atyraý oblystyq qurylys basqarmasy basshysynyń mindetin atqarýshy Zaınolla Manenovtiń aıtýynsha, 2012 jyldan beri qurylysy aıaqtalmaǵan kontsert zaly men monsha-saýyqtyrý keshenin «Atyraý» áleýmettik-kásipkerlik korporatsııasy» AQ-nyń balansyna berý rásimi júrgizilip jatyr.
«Aldaǵy ýaqytta kontsert zaly saýda-oıyn-saýyq ortalyǵy retinde qaıta jańǵyrtylady. Investor jobanyń quny men tehnıkalyq parametrlerin esepteıdi. Al, saýyqtyrý-monsha kesheniniń bastapqy maqsatyn ózgertý ınvestormen kelisilgennen keıin belgili bolady», - deıdi Zaınolla Mánenov.
Oblys ákiminiń orynbasary orynbasary Qaırat Bekenovtiń málimetine súıensek, bul nysandardyń qurylysyn jalǵastyrý úshin bıýdjetten qarjy bólinbeıdi. Buǵan «Atyraý» ÁKK» AQ arqyly ınvestorlardyń qarjysy tartylmaq.
Eske sala ketelik, buǵan deıin Atyraý 1,4 mlrd teńgeniń jylyjaıy salynyp jatqanyn jazǵan edik.
