Atyraýda Qurmanǵazy aýdanyna qatynaıtyn poıyzǵa taǵy bir vagon qosyldy
ATYRAÝ. QazAqparat – Atyraýda Qurmanǵazy aýdanyna qatynaıtyn poıyzǵa taǵy bir vagon qosyldy, dep habarlaıdy QazAqparat.
Budan buryn Atyraý temirjol stansasynan Qurmanǵazy aýdanyndaǵy D.Nurpeıisova beketine deıin qatynaıtyn jolaýshy poıyzy júrgenin jazǵan edik.
«Buryn poıyz quramyna eki paltskart, bir jalpy vagon jalǵanǵan bolatyn. Endi turǵyndardyń ótinishine sáıkes, 52 orynǵa arnalǵan taǵy bir qosymsha platskart vagonyn tirkedik. Qazir jolaýshylar poıyzynda eki platskart pen 266 oryndyq eki jalpy vagon bar. Jolaýshylar qatary kóbeıip, qajettilik týyndasa, 5-vagondy qosý múmkindigi bar» - deıdi oblystyq jolaýshylar kóligi jáne avtomobıl joldary basqarmasynyń bólim basshysy Erlan Sársenǵalıev.
