Atyraýda kún saıyn 240 avtobýs jolaýshy tasymaldaý úshin jolǵa shyǵady
Atyraý qalalyq ákimdiginiń baspasóz qyzmetinen málim etkendeı, 20 qarashadaǵy prezıdent saılaýy kúni shaharda qoǵamdyq kólikpen jolaýshylardy tegin tasymaldaýǵa sheshim qabyldanǵan.
«Qazir 6 kásiporyn Atyraý qalasy men oǵan taıaý ornalasqan eldi mekenderge qoǵamdyq kólikter 31 marshrýt boıynsha jolaýshy tasymaldap otyr. Bul kásiporyndardyń balansynda 240 avtobýs tirkelgen. Kún saıyn kestege sáıkes jolaýshy tasymaldaý úshin marshrýtqa 240 avtobýs shyǵady. Ákimdik pen jolaýshy tasymalyn qamtamasyz etetin kásiporyn basshylarynyń ortaq uıǵarymymen 20 qarashaǵa belgilengen saılaý kúni shahar turǵyndary men qonaqtaryn tegin tasymaldaýǵa sheshim qabyldandy», -dep habarlady ákimdiktiń baspasóz qyzmetinen.
Ákimdiktiń baspasóz qyzmetiniń aqparatyna qaraǵanda, qoǵamdyq kólikte tegin júrýge shekteý qoıylmaıdy.
Bul múmkindigin jas aıyrmashylyǵyna qaramastan jolaýshylardyń bári paıdalana alady.
Eske sala ketelik, buǵan deıin 25 qazanda Atyraý turǵyndary qoǵamdyq kólikte tegin qatynap júrgenin habarlaǵan bolatynbyz.
