Atyraýda kreatıvti jastarǵa qoldaý bildiretin ortalyq ashylady

Atyraýda kreatıvti jastarǵa qoldaý bildiretin ındýstrııa ortalyǵy ashylady, dep habarlaıdy QazAqparat tilshisi.

Bul týraly Atyraý oblysynyń ákimi Serik Shápkenov «Sarayshyq upgrade - 2023» halyqaralyq jastar forýmynda málim etti.

Atyraýdaǵy halyqaralyq forýmǵa Qyrǵyzstan, Ózbekstan, Ázerbaıjan jáne Reseıden, Batys Qazaqstan, Atyraý, Aqtóbe, Mańǵystaý oblystarynan 200-den astam jas jınalǵan. Forýmda ІT, marketıng, mýzyka jáne kınomatografııa baǵyttary talqylanady.

«Forýmǵa jınalǵan jalyndy jastardyń boıynan tulǵa retinde damýǵa umtylysty, ynta-jigerdi kórip turmyn. Jastar forýmnyń ataýyn ózderi tańdap aldy. Olar osylaısha, tarıhymyzǵa tereń enip, jan-jaqty izdengenin tanytyp otyr. Prezıdenttiń jastardy alǵa jeteleıtin, tyń ıdeıasyn iske asyrýǵa múmkindik beretin, mádenıetimizdi jańa baǵytta nasıhattaıtyn kreatıvti ındýstrııany qoldaý qoryn ashý týraly tapsyrmasy bar. Osy oraıda oblystyq ákimdik jastarǵa kıno, ІT tehnologııa jáne túrli baǵyttaǵy jobany iske asyrýǵa múmkindik beretin jastar ortalyǵyn ashady», - dedi Serik Shápkenov.

Ákimniń pikirinshe, jastardyń mundaı forýmyn jyl saıyn ótkizý qajet. Óıtkeni jalyndy jastary bar eldiń jetistigi mol bolady. Al bul forým jastardyń ózara tıimdi qarym-qatynas ornatýyna, mol tájirıbe almasýyna septigin tıgizedi.

Halyqaralyq forým tórt baǵytta ótip jatyr. «Kınematografııa» baǵytynda Jandos Aıbasov, Ernar Nurǵalıev, «Marketıng» boıynsha Anton Kım, Abylaı ıÝsýpov, «Aqparattyq tehnologııalar» salasynda Jandos Tursynbaev, Erlan Esimseıitov, «Mýzyka» taqyrybynda Erbolat Bedelhan, Azat Ábiken men Aızatýlla Hýseın sheberlik saǵatyn ótkizedi.

Eske sala ketelik, buǵan deıin retrokólikter atyraýlyqtardyń qyzyǵýshylyǵyn týdyrǵanyn jazǵan edik.