Atyraýda qoıma órtenip, bir adam zardap shekti

ATYRAÝ. QazAqparat – Atyraý qalasynda esikterdiń úlken partııasy saqtalǵan qoıma janyp ketti. Saldarynan bir adam zardap shekti, dep habarlaıdy QazAqparat tilshisi.

«Órt aǵash esikterdiń úlken partııasy saqtalǵan qoımadan shyqty. Ǵımarattyń ishinde bastalǵan órt shatyrǵa ótken. 125 sharshy metr jerdi sharpyǵan jalyn tolyq sóndirildi. Saldarynan 1955 jylǵy er adamnyń aıaq-qoldaryn kúıik shaldy. Ol oqıǵa ornyna kelip jetken jedel járdem qyzmetkerlerine tapsyryldy», - dedi Atyraý oblystyq Tótenshe jaǵdaılar departamentiniń baspasóz hatshysy Janna Qısyqova.

Onyń málimetinshe, tilsiz jaýmen kúreske órt sóndirý qyzmetiniń 13 adamy jáne úsh tehnıkasy jumyldyryldy. Órttiń shyǵý sebepteri anyqtalýda.