Atyraýda qoıma meńgerýshisi mekemeden 2,3 mln teńgeniń kıimin urlaǵan

ATYRAÝ. QazAqparat – Atyraýda qoıma meńgerýshisi mekemeden 2,3 mln teńgeniń kıimin urlaǵan, dep habarlaıdy QazAqparat.

Oblystyq Polıtsııa departamenti baspasóz qyzmetiniń aqparatyna súıensek, bul derek arnaıy tekserý kezinde anyqtalǵan.

«Atyraýda 38 jastaǵy qoıma meńgerýshisi ózi jumys isteıtin mekemeden qysqy mezgilge arnalǵan 50 dana kúrteshe men 20 dana kombınezondy qoldy etken. Tekserý kezinde onyń Qyzylorda qalasynyń turǵyny ekeni anyqtaldy. Qoıma meńgerýshisiniń mekemege keltirgen zalaly 2 mln 380 myń teńgeni qurady», - dep habarlady departamenttiń baspasóz qyzmetinen.

Kúdiktige qatysty QR Qylmystyq kodeksiniń 189-baby 2-bóligimen sotqa deıingi tergeý júrip jatyr.

Buǵan deıin Atyraýda eki er adam dúkennen 200-den astam buqtyrylǵan et konservisin urlaǵanyn jazǵan bolatynbyz.