Atyraýda kóshi-qon zańyn buzǵan 3110 shetel azamaty jazalandy
ATYRAÝ. QazAqparat – Atyraýda jyl basynan beri kóshi-qon zańdylyǵyn buzǵandarǵa 7 mln teńge aıyppul salyndy, dep habarlaıdy QazAqparat.
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń málimetinshe, jyl basynan beri kóshi-qon zańdylyǵyn buzǵan 4 991 adam ákimshilik jaýapkershilikke tartylǵan.
«Polıtsııa qyzmetkerleri oblys aýmaǵynda «Mıgrant», «Zańsyz kelýshi – 2021» jedel-profılaktıkalyq is-sharalary men reıdtik tekseristerdi jıi uıymdastyrady. Maqsat – óńirdegi quqyqtyq tártipti qamtamasyz etý, zańsyz kelýdi, turýdy, kóshi-qon salasyndaǵy qylmystardy, zańsyz kóship-qonýshylardyń arnalaryn anyqtaý. Osyndaı sharalardyń nátıjesinde jyl basynan beri kóshi-qon zańdylyǵyn buzǵany úshin 4 991 tulǵa ákimshilik jaýapkershilikke tartyldy. Onyń ishinde 3110 shetel azamaty bar. Sot sheshimderimen kóshi-qon zańdylyǵyn buzǵan 100 sheteldik el aýmaǵynan tysqary shyǵaryldy» -deıdi Qamza Úmbetqalıev.
Onyń aıtýynsha, kóshi-qon zańdylyǵyn buzǵan tulǵalarǵa 7 029 743 teńge aıyppul salynǵan. Aıyppul tolyq óndirildi.
Eske sala ketelik, buǵan deıin Atyraýda el shekarasyn qasaqana buzǵan sheteldikter ustalǵan bolatyn.
