Atyraýda kóshi-qon zańnamasyn buzǵan 61 sheteldik elden shyǵaryldy
ATYRAÝ. QazAqparat – Atyraýda kóshi-qon zańnamasyn buzǵan 61 sheteldik elden shyǵaryldy, dep habarlaıdy QazAqparat.
Atyraý oblystyq Polıtsııa departamentiniń bastyǵy, polıtsııa polkovnıgi Qamza Úmbetqalıevtyń málimetinshe, 10 kúnge sozylǵan «Mıgrant» jedel-profılaktıkalyq is-sharasy ótken.
«Polıtsııa qyzmetkerleri elimizdiń kóshi-qon zańnamasyn buzýdyń 1 514 deregin anyqtady. Onyń ishinde QR Ákimshilik quqyqbuzýshylyq Kodeksiniń 517-babymen 1185 sheteldikke ákimshilik sharalar alyndy» -deıdi Qamza Úmbetqalıev..
Onyń aıtýynsha, kóshi-qon zańdylyqtaryn buzǵany úshin sot sheshimimen 61 sheteldikterdi elden shyǵarý uıymdastyrylǵan. Polıtsııa qyzmetkerleriniń baqylaýymen 15 ózbekstandyq pen Tájikstan Respýblıkasynyń 1 azamatyn májbúrli túrde Túrkistan oblysynyń Saryaǵash aýdanyndaǵy «Jibek joly» baqylaý-ótkizý beketi arqyly shyǵarylǵan.
«Buǵan qosa, kóshi-qon salasyndaǵy zańnamany buzǵan jáne sheteldik jumys kúshi men eńbekshi kóship kelýshilerdi arnaıy zańdylyqty buza otyryp tartqan elimizdiń 329 azamaty men zańdy tulǵalary ákimshilik jaýapkershilikke tartyldy. Jeke basyn anyqtaıtyn qujatsyz júrgen TMD elderiniń 144 azamaty qabyldaý-taratý ornyna tapsyryldy» -deıdi Qamza Úmbetqalıev.
Eske sala ketelik, budan buryn Atyraýda zańsyz júrgen Irlandııa azamaty elden shyǵarylǵanyn jazǵan bolatynbyz.
