Atyraýda kóshelerdi jańajyldyq bezendirýge 31,3 mln teńge jumsalady
Atyraý qalalyq ákimdigi baspasóz qyzmetiniń málimetinshe, shyrshalardy munaıly shahardyń birneshe bóliginde ornatý kózdelgen.
«Onyń ishinde «Isataı-Mahambet» ortalyq alańynda jańadan stayp alynǵan bıiktigi 12 metrlik shyrsha bezendiriledi. Buǵan qosa «Nursaıa», «Vokzal mańy» shaǵynaýdandary men D.Nurpeıisova atyndaǵy mýzyka akademııasy aldyndaǵy alańǵa bıiktigi 9 metrdi quraıtyn shyrshalar ornatylady. Al, qalany jańajyldyq bezendirýge buryn qoldanysta bolǵan sáýlet nysandary, jazýlar sekildi áshekeıler paıdalanylady. Qalanyń ár bóligine eki metrlik 5 shyrsha ornatý kózdelgen», -dep habarlady ákimdiktiń baspasóz qyzmeti.
Munaıly shahar bıýdjetinen jańajyldyq bezendirýge 2019 jyly 43,7 mln teńge bólingen.
Al, 2020 jáne 2021 jyly bul maqsatqa qarjy qarastyrylmaǵan.
Eske sala ketelik, 2020 jyly Atyraýda Germanııadan ákelingen 9 metrlik shyrsha ornatylǵan edi.
Ákimdik demeýshiler syıǵa tartqan shyrshany Mahambet atyndaǵy akademııalyq qazaq drama teatrynyń aldyna ornatýdy usynǵan.
Sol jerden kólemi 4h4, tereńdigi 1,5 metr bolatyn shuńqyr qazylǵan.
Shyrsha ornatylatyn oryn vermıkompostpen jáne basqa da qajetti organıkalyq mıneraldy tyńaıtqyshtarmen óńdelgen.
Shyrshany shuńqyrǵa ornatý úshin shamamen 0,5 metr drenaj qabatyna qum, qıyrshyqtas, ózge de qospa salynǵan.
Keıin bul shyrshany alyp tastady. Oǵan bul shyrshanyń jergilikti klımatqa shydamaı, qýraǵany sebep bolǵan.
