Atyraýda kóshede jalǵyz júrgen 2 jasar sábı tabyldy
ATYRAÝ. QazAqparat –Atyraý qalasynda aýladan shyǵyp ketip, úıin taba almaı qalǵan 2 jasar sábı anasyna tapsyryldy, dep habarlaıdy QazAqparat.
Oblystyq polıtsııa departamentiniń málimetine súıensek, keshe, 21 tamyzda saǵat 11:00 shamasynda 2 jasar sábı jeke úıdiń aýlasynan shyǵyp ketken. Onyń kósheden jalǵyz júrgenin «Nursaıa» yqshamaýdanynyń turǵyndary kórip, №14 ýchaskelik polıtsııa beketine habarlaǵan.
«Saǵat 11:46-da «102» operatoryna 2 jasar sábıin izdegen azamatshadan habar tústi. Operatordyń usynysymen telefon shalǵan áıelge ýchaskelik polıtsııa beketine keldi. Ol sábıin 14 jasar qyzyna qaldyryp, ózi sharýalarymen ketken. Sol kezde kishkentaı balaqaı aýladan shyǵyp, úıine qaıta oralmaǵan» -dep habarlady departamenttiń baspasóz qyzmeti.
Polıtseıler 2 jasar sábıdi anasyna tabystap, qaraýsyz qaldyrmaýdy eskertti.
Eske sala ketelik, budan buryn Atyraýda qaraýsyz qalǵan 1 jasar sábı qudyqqa túsip ketken.
